Foto de Rodrigo Osorio por Olga Patiño. Tratamento dixital: Casdeiro.
Foto de Rodrigo Osorio por Olga Patiño. Tratamento dixital: Casdeiro.

Eu son. Anticanción de Amergin [+VÍDEO]

/
Share

Amergin, o noso primeiro poeta coñecido, (con)venceu os vellos habitantes de Irlanda cunha canción na que amosaba a súa identidade cos cinco elementos:

Eu son o vento no mar.
Eu son unha ola no océano.
[…]
Eu son o porco bravo de valor.
[…]
Eu son a forza da arte
[…]

Festa Amergin da poesía atlántica.Cóntanolo o capítulo XIII do Leabhar Ghabhála Érenn, o Libro das invasións.

Mais os bardos, os filidh, coñecemos moitos rituais e máis alá da empatía de Amergin coas forzas de Gaia, as veces é preciso nomear todo o negativo para que a tribo sexa consciente do que está a facer. Cómpre facer presente diante do grupo os seus erros, darlles existencia a través dun nome. O druída asume os pecados e cómeos, para os facer desaparecer.

Este foi o ritual antiprogresista que celebramos na praia do Areal da Coruña, durante a II festa Amergin da poesía atlántica, o 1 de xullo de 2023:


Eu son

(Anticanción do Amergin)

Coro
Eu son
Eu son
Eu son
Bardo Coro
Eu son o que talla os umeiros
o que esmaga a formiga
o que corta a rosa
o que lanza o Sputnik
eu son
eu son
eu son
eu son
Eu son
Eu son
Eu son
Eu son o que quebra o silencio
o que mide en diñeiro
o que pesa as ondas
o que medra sen marcos
eu son
eu son
eu son
eu son
Eu son
Eu son
Eu son
Eu son o que rompe a harmonía
o que taxa as crenzas
o que crea a verdade
o que pecha as celas
eu son
eu son
eu son
eu son
Eu son
Eu son
Eu son
Eu son o asfalto triunfante
o petróleo fluíndo
as laranxas laranxas
o hidróxeno verde
eu son
eu son
eu son
eu son
Eu son
Eu son
Eu son
Eu son a materia sen alma
o rapsodo de Moloch
o que venceu o bardo
o señor do futuro
eu son
eu son
eu son
eu son
Eu son

      Non son

            Non son

                  NON SON.

Click to rate this post!
[Total: 0 Average: 0]
Share

Deixa unha resposta

Your email address will not be published.

Este sitio usa Akismet para reducir o spam. Aprende como se procesan os datos dos teus comentarios.

Artículo anterior

Seleção de poemas de «O segredo de Sheela na Gig»

Siguiente artículo

Doze de abril

Lo último de Blog

[VIDEOCLIP] A Loba

Presentación e letra do tema de Zeltia Irevire incluído no seu máis recente disco, Vacaloura.